توزيع الإضاءة: سر البيت اللي يخلي فيه "روح".
يا أهلاً فيكم يا أصدقاء أوتاد..
تخيلوا صبغنا أحلى لون، وركبنا أفخم أرضية، بس الإضاءة كانت غلط! كل التعب بيروح هباءً. الإضاءة مو بس "لمبة" تنور المكان، الإضاءة هي اللي ترسم الملامح، وتخفي العيوب، وتخلي بيتك فخم أو باهت .
من تجربتي في "أوتاد"، تعلمت إن توزيع الإضاءة فن، وهذي خلاصة اللي طبقته في بيتي:
1. قاعدة الـ 3000K والـ 4000K:
أكبر غلط هو خلط الألوان بشكل عشوائي. لغرف النوم والمجالس، الـ 3000K (الأصفر الدافئ) هو الملك لأنه يعطي راحة نفسية. أما الـ 4000K (الأبيض الطبيعي) خلوه للمطابخ والمكاتب لأنه يعطي وضوح ونشاط.
2. طبقات الإضاءة (مو بس سبوت لايت!):
لا تعتمدين على السبوت لايت في كل مكان وزعي الإضاءة على 3 طبقات:
• الإضاءة المخفية: تعطي اتساع للسقف.
• إضاءة المهام: مثل الاباجورات فوق الطاولات.
• إضاءة الديكور: اللي تبرز لوحة أو ركن معين.
3. لا تخلين اللمبة تعورك في عينك!
استخدمي تقنية الـ (Anti-glare) أو "مانع التوهج". هي اللمبات اللي تكون غائرة للداخل، تنور لك الأرضية بس ما تشوفين مصدر الضوء مباشرة، وهذي هي قمة الفخامة والراحة للعين.
نصيحة ذهبية:
قبل ما يخلص الكهربائي التمديدات، حددي أماكن الأثاث بالضبط. الإضاءة لازم تتبع الأثاث، مو العكس!
والحين.. وش نوع الإضاءة اللي تفضلونها؟ تحبون البيت "أصفر دافئ" ولا "أبيض طبيعي"؟
تعليقات
إرسال تعليق